Бекболат Тілеухан мен Мұхтар Әблязовтың арасы неге нашар?

188

Кеше Нұр-Сұлтан қаласында өткен “Нұр Отан” партиясының митингісінде “Нұр Отан” партиясының мүшесі, мәжіліс депутаты, әнші Бекболат Тілеухан сырттай жиырма жылға сотталған Мұхтар Әблязовты қатты сынады. Депутаттың сөзін партияның фейсбуктегі парақшасында жарияланды.

Бұған дейін Бекболат Тілеухан митингілер және Әблязов туралы пікір айтқан видео да жарияланған еді. Депутат сол видеодағы сөзін “Нұр Отан” митингісінде қайталаған.

Бекболат Тілеухан митингтер туралы пікір білдірді (видео)

Осы күнге дейін депутат Бекболат Тілеухан мен сырттай жиырма жылға сотталған М.Әблязовтың арасында қандай да бір дау-дамай, келіспеушілік, жанжал болғаны туралы ақпарат болған жоқ.

Бекболат Тілеухан ғана емес, “Нұр Отан” партиясының митингісіне қатысқан өзге де депутаттар Әблязов халықты арандатып, елде тұрақсыздық орантуға ұмытылып отыр деп санайтындарын айтқан.