05-07-19 | 11:23
Нұр-Cұлтанның туған күнінде ұлттық арна «Қазақ хандығы. Алтын тақ» фильмін көрсетеді.
Нұр-Cұлтанның туған күнінде ұлттық арна «Қазақ хандығы. Алтын тақ» фильмін көрсетеді

Елорда күніне орай, «Қазақ хандығы. Алтын тақ» фильмі тұңғыш рет телеэкранға шығады
«Qazaqstan» Ұлттық телеарнасы тарихи туындыны көрерменге 6 шілде күні тарту еткелі отыр.

«Қазақ хандығы. Алтын тақ» фильмінің желісі «Қазақ хандығы. Алмас қылыш» туындысының жалғасы ретінде Керей мен Жәнібек хандардың Әбілқайыр Шайбани ұрпақтарымен Сығанақ тағы үшін таласы төңірегінде өрбиді.

Ауқымды тарихи жобаның авторы – ҚР Тұңғыш Президенті – Елбасы Н.Ә.Назарбаев. Фильм сценарийі Ілияс Есенберлиннің «Көшпенділер» трилогиясының негізінде  жазылған.

«Елорда күніне орай, Ұлттық арнаның мерекелік кестесіне бірнеше тұсаукесер жобалар енгізілді. Солардың бірі – Рүстем Әбдірашевтің «Қазақ хандығы: Алтын тақ» кинодастаны. Тарихи туынды «Qazaqstan» арнасынан сенбі, 6 шілде күні сағат 17:10-да көрсетіледі», – деп хабарлайды «Қазақстан» РТРК» АҚ баспасөз қызметі.

Естеріңізге салсақ, «Қазақ хандығы. Алтын тақ» фильмі жалпыұлттық прокатқа осы жылдың наурыз айында шығарылды. Қазақ тарихындағы күрделі кезеңдерді сипаттайтын жоба арқылы көрермен көшпенді халықтың тыныс-тіршілігіне терең үңіле алады.

БӨЛІСУ:
  • twitter
  • telegramm
  • facebok
  • vk
Соңғы мақалалар.
МІНБЕР.