21 тамыз, бейсенбі күні Қазақстанның бірқатар өңірінде ауа райы ыстық болады, деп хабарлайды Arasha.kz.
Алматы облысында – ауа температурасы +35°С-қа дейін көтеріледі.
Маңғыстау облысында – +38°С-қа дейін аптап ыстық күтіледі.
Синоптиктердің болжамынша, елдің оңтүстігінде антициклонның ықпалымен жауын-шашынсыз ауа райы сақталады.
"Солтүстік-батыс циклон мен соған байланысты атмосфералық фронттар Қазақстан аумағының басым бөлігінде өз ықпалын сақтайды. Жаңбыр жауып, найзағай ойнайды. Солтүстік өңірлерде қатты жаңбыр жауады. Батыс пен солтүстікте бұршақ жаууы және дауыл болуы мүмкін. Республика бойынша жел күшейеді, ал батыс пен солтүстікте түнде және таңертең тұман түседі", – деп хабарлады Қазгидромет.
Сонымен қатар, гидрометорталық мамандары бірқатар өңірлерде өрт қаупі жоғары болатынын ескертті:
- Жоғары өрт қаупі – Алматы облысында, Жетісу облысының оңтүстігі мен шығысында, Ұлытау облысының шығысында, Атырау облысының оңтүстігінде, Шығыс Қазақстан облысының оңтүстігінде, Абай облысының оңтүстік-батысында.
- Төтенше өрт қаупі – Түркістан, Қызылорда, Маңғыстау, Жамбыл облыстарында, Батыс Қазақстан облысының батысында, Алматы облысының батысы, солтүстігі мен шығысында, Атырау облысының батысы мен шығысында, Қостанай, Қарағанды, Ақтөбе облыстарының оңтүстігінде.