2026 жылдан бастап салық берешегін мәжбүрлеп өндіру тетігі өзгеріске ұшырайды, деп хабарлайды Arasha.kz.
Жаңа Салық кодексінде салық берешегін мәжбүрлі түрде өндіріп алу тәсілдері мен шараларын қолдануда тәуекел дәрежесіне байланыстыру алынып тасталып, сараланған тәсіл енгізілген.
2026 жылдан бастап салық берешегі болған жағдайда:
20 АЕК-ке дейін — салық берешегі туралы хабарлама жолданып, өсімпұл есептеледі, басқа шаралар қолданылмайды;
20-дан 45 АЕК-ке дейін — салық берешегін өтеу туралы хабарлама жіберіледі, банктік шоттар мен кассадағы шығыс операциялары тоқтатылады, инкассалық өкім қойылады;
45 АЕК-тен жоғары — барлық шаралар қолданылады, соның ішінде мүлікті түгендеу және сату, дебиторлар есебінен өндіру;
27 000 АЕК-тен жоғары — салық төлеушінің елден шығуына шектеу қойылады (берешек 3 ай ішінде өтелмеген жағдайда сот санкциясымен), банкроттық рәсімі қолданылады.
Қазір мәжбүрлі өндіріп алу шаралары 1 теңгеден жоғары берешек сомасына СУР нәтижелерін ескере отырып қолданылады. Ал банктік шоттар бойынша шығыс операцияларын тоқтату тек 6 АЕК-тен жоғары берешек болған жағдайда енгізіледі.