Еуропалық комиссия 28 тамызда АҚШ-тан келетін барлық өнеркәсіптік тауарларға, соның ішінде автокөліктерге де баж салығын жою жөнінде ұсыныс жасады, деп хабарлайды Arasha.kz.
Құжатта сондай-ақ бірқатар америкалық теңіз өнімдері мен ауыл шаруашылығы тауарларына жеңілдіктер беру көзделген.
Мұндай қадам АҚШ президенті Дональд Трамптың талаптарына жауап ретінде жасалды. Ол бұған дейін еуропалық автокөліктерге салынатын америкалық тарифтерді төмендетуді талап еткен болатын.
ЕО-ның сауда жөніндегі комиссары Марош Шефчовичтің айтуынша, екі тарап та қабылданған міндеттемелерді орындап, келісімдердің толық жүзеге асырылуын қамтамасыз етуі тиіс.