Айтыс өнерінің майталманы, марқұм ақын Оразалы Досбосыновтың ұлы Нұрсұлтан әлеуметтік желіде күтпеген мәлімдеме жасады, деп хабарлайды Arasha.kz.
Ол Instagram-парақшасында екі бейнежазба жариялады. Алғашқысында "Қазақстан" ұлттық арнасының "Таңшолпан" бағдарламасына сұқбат беруге бара жатқанын айтқан. Алайда кейінгі бейнежазбасында сұқбат бермегенін, сұрақтар ұнамағанын жеткізді.
"Қайырлы таң, достар! Бүгін біз "Қазақстан" телеарнасының "Таңшолпан" бағдарламасын сұқбат беруге бардым. Маған сұрақтар ұнамады. Жауап бергім келмеді. Сөйтіп, қайтып кеттім. Барлық нәрсе кез келген адамға ұнай бермейді. Маған қойылған сұрақтар менің көңілімнен шықпады. Егер мен жауап беретін болсам, сол жердегілердің көңілінен шықпайтын еді", – деп жауап берді Нұрсұлтан Досбосынов.