Олимпиада ойындарының екі дүркін күміс жүлдегері, әлем чемпионы Болат Жұмаділовке Қазақстан бокс федерациясының президенті Шахмұрат Мүтәліптің атынан су жаңа Hyundai Elantra автокөлігі табысталды, деп Arasha.kz тілшісі 1bol.kz сайтына сілтеме жасап хабарлайды.
Сыйлықты федерация басшысының көмекшісі Абзал Тұңғышбаев жеткізді.
"Федерация президенті қай кезде де ардагер спортшыларға қолдау көрсету керектігін айтып отырады, бұл сыйлық та ағамыздың еңбегін бағалау. Біз чемпиондарымызды ұмытпауымыз керек", – деді Абзал Тұңғышбаев.
Өз кезегінде Болат Жұмаділов ризашылығын білдіріп, жас спортшыларға табыс тіледі.
Айта кетейік, бұған дейін атақты боксшының өзі тұратын үйдің жертөлесін жаттығу залына айналдырғаны, алайда оның жағдайы нашар екені хабарланған болатын.