Түркістан облысында 86 отбасы атаулы әлеуметтік көмекті заңсыз алып, мемлекетке 17 млн теңге шығын келтірген. Бұл туралы прокуратура мәлімдеді, деп хабарлайды Arasha.kz.
Статистикалық деректерге сәйкес, 2025 жылы атаулы әлеуметтік көмек алушылардың саны 91 мың адамды құрап, соңғы үш жылда бұл көрсеткіштің айтарлықтай төмендегені байқалады (2023 ж. – 168 мың адам, 2024 ж. – 97 мың адам).
«Талдау нәтижесінде, жоғарыда көрсетілген жекелеген отбасылар өтініш берген кезде бір мекенжайды көрсеткендері белгілі болды. Одан бөлек 56 өтініш бойынша жалған қорытындылар жасалып, 9,7 млн теңге заңсыз төленген. Сондай-ақ 22 отбасы өздерінің меншігіндегі мүлікті (автокөлік, жер учаскесі және т.б.) жасырған, ал 13 отбасы табыстарын көрсетпеген», - деп хабарлады прокуратура.
Аталған заң бұзушылықтар бойынша прокурорлармен әкімдікке заңдылықты бұзушылықтарды жою және 36 млн теңгеден астам қаражатты қайтару туралы ұсыныс енгізілген.
Бүгінгі таңда әкімдік актіні қарау барысында заң бұзушылықтарды жою жөнінде шаралар қабылдауда.