АҚШ президенті Дональд Трамп Ақ үйде өткен салтанатты рәсімде Қорғаныс министрлігін ресми түрде Соғыс министрлігі деп қайта атау туралы жарлыққа қол қойды, деп хабарлайды Arasha.kz.
Ол бұл шешімді «АҚШ-тың ұстанымын өзгертуге бағытталған тарихи қадам» деп атап, «бұл жеңіске ұмтылысты білдіреді» деді.
Сонымен қатар, Трамп келесі жылы Майами қаласында «Үлкен жиырмалық» (G20) саммиті өтетінін мәлімдеді. Іс-шара АҚШ-тың 250 жылдығына орайластырылмақ.
Бұл өзгеріс АҚШ-тың әскери саясатындағы риториканы күшейтіп, елдің жаһандық қауіпсіздік пен халықаралық қатынастардағы бағытына әсер етуі мүмкін деген пікірлер айтылуда.