Солтүстік Корея басшысы Ким Чен Ын үкіметтің ядролық әлеует пен дәстүрлі қарулы күштерді қатар дамытуға бағытталған стратегия әзірлеп жатқанын мәлімдеді. Бұл туралы Солтүстік Кореяның мемлекеттік KCNA агенттігі мәлімдеді, деп хабарлайды Arasha.kz.
Агенттіктің дерегінше, осы аптада Ким Чен Ын қару-жарақ жасауға байланысты ғылыми-зерттеу мекемелерінде болды. Сапар барысында ол партияның 9-съезінің шешіміне ұлттық қорғанысты күшейту үшін ядролық және стандартты әскери ресурстарды бір мезгілде нығайту бағыты енгізілетінін жария етті.
Жұма күні солтүстіккореялық лидер әскердің тәжірибелік атыстарына қатысып, аурухана құрылысына да тексеріс жүргізді.
Бұл оқиғалар қыркүйектің басында өткен Бейжің сапарынан кейін өрбіді. Сол жерде Ким Чен Ын ауқымды халықаралық саммитке қатысып, Қытай мен Ресей басшылары – Си Цзиньпин және Владимир Путинмен келіссөздер өткізді. Алайда Ким Чен Ынның командасы Ресей диктаторы Владимир Путинмен кездесуден кейін оның Бейжіңде болған «іздерін» түгел жойып тастаған.
Еске салайық, Ким Чен Ын Ресейдің сыртқы істер министрі Сергей Лавровпен кездесуінде Кремльге шексіз қолдауын білдірген еді. Ол Мәскеудің барлық стратегиялық мәселелер бойынша ұстанымын толық бөлісетінін және Украинаны қарсы соғыста Ресейдің кез келген әрекетін қолдауға дайын екенін айтқан.