Жамбыл және Түркістан облыстарының тұрғындары, сондай-ақ Шымкент қаласы жер сілкінісін сезінді, деп хабарлайды Arasha.kz.
Эпицентрі Қырғызстан аумағында, Алматыдан 465 шақырым оңтүстік-батыс бағытта орналасқан.
Ұлттық деректер орталығының мәліметінше, сейсмологтар жер сілкінісін 6 қазан күні, астана уақытымен 01:29-да тіркеген.
Жер сілкінісінің энергетикалық класы — 13,3, магнитудасы — 5,9.
Есептік қарқындылығы 2–4 балл аралығында болған, Шымкентте — 3 балл деңгейінде сезілген.
Зардап шеккендер мен қираулар туралы ақпарат жоқ.