АҚШ президенті Дональд Трамп ресейлік әріптесінің санкциялардың енді әсер етпейтіні туралы сөзін түсіндірді, деп хабарлайды Arasha.kz.
Бұған дейін Владимир Путин санкцияларды Мәскеуге қысым көрсету әрекеті деп атап, бірақ Ресей өзін «сенімді және тұрақты» сезінетінін айтқан еді.
«Оның солай ойлағаны жақсы. Жарты жылдан кейін көрейік», — деп жауап берді АҚШ президенті.
Еске салайық, АҚШ-тың жаңа санкциялары Ресейдің ең ірі екі мұнай компаниясын — «Роснефть» пен «Лукойлды» және олардың еншілес ұйымдарын қамтыды.
Қаржы министрі Скотт Бессент шектеу шараларын Ресей президенті Украина жөніндегі келіссөздерде «адал және ашық болмағанымен» түсіндірді.
Сонымен қатар, санкциялар енгізілгеннен кейін Трамп Ресей мен Украинаға үндеу жасады. АҚШ басшысы Мәскеу мен Киев Ресей-Украина қақтығысын шешу мәселесінде ақылмен әрекет етуі тиіс екенін айтты.