Ресейлік дрондар Украинадағы бейбіт тұрғындарды үнемі нысанаға алып, олардың шабуылдары адам өліміне, жарақаттарға және ірі ауқымды қирауларға әкеліп жатыр. Бұл туралы БҰҰ Бас Ассамблеясының әлеуметтік, гуманитарлық және мәдени мәселелерге маманданған Үшінші комитетіне кеше кешке ұсынылған Украинадағы оқиғаларды тексеру жөніндегі Комиссияның есебінде айтылды, деп хабарлайды Arasha.kz.
Есеп авторларының айтуынша, мұндай шабуылдар жүйелі және үйлестірілген сипатқа ие. Нысанаға тұрғындар, жеке үйлер, гуманитарлық көмекті тарату орындары, сондай-ақ халықаралық гуманитарлық құқыққа сәйкес соғыс жағдайында ерекше қорғалуы қажет жедел жәрдем және өрт сөндіру қызметтері жиі алынады.
Ресей әскери күштерінің әрекеттері адамзатқа қарсы екі түрлі қылмысты құрайды: кісі өлтіру және халықты күшпен қоныс аударту. Сонымен қатар ресейлік әскери күштер оккупациядағы аумақтардан бейбіт тұрғындарды депортациялау немесе күштеп көшіру арқылы олардың бір бөлігін азаптауға ұшыратқаны, бұл адам құқықтарының негіздерін өрескел бұзатыны атап өтіледі.