Астанада сауда-ойын-сауық орталығында іш киіммен жүгірген азамат қамауға алынды, деп хабарлайды Ішкі істер министрлігінің баспасөз қызметі.
«Әлеуметтік желілерді мониторингтеу барысында полицейлер елорданың сауда-ойын-сауық орталықтарының бірінде жартылай жалаңаш күйде плакат ұстап, келушілердің назарын аударып, қоғамдық тәртіпті бұзған ер адамның видеосын анықтады. Жүргізілген іс-шаралар нәтижесінде 26 жастағы құқық бұзушының жеке басы анықталды. Оған қатысты әкімшілік хаттама толтырылды. Сот шешімімен ол 15 тәулікке қамауға алынды», – делінген сәрсенбі күнгі хабарламада.
Полицейлер азаматтарды қоғамдық орындарда тәртіп сақтауға, өзгелерге құрметпен қарауға және құқыққа қайшы әрекеттер жасамауға шақырды.