Екібастұзда сот Айгүл Байхановаға — Павлодар облысының әкімі Асaин Байхановтың туған әпкесіне әкімшілік қамау ретінде 15 тәулік тағайындап, көлік жүргізу құқығынан жеті жылға айырды, деп хабарлайды Arasha.kz.
4 қараша күні кешке полицейлер Hyundai Tucson көлігін байқап, оның ролінде шенеуніктің туысы отырғанын анықтады. Медицина тексеріс оның жеңіл алкогольдік мас күйінде болғанын көрсетті.
Сотта Байханова көлікті жүргізбегенін, тек тұрақта тұрған көлікте отырғанын айтты. Әйелдің дәлелдерін сот негізсіз деп танып, оған Әкімшілік құқықбұзушылық туралы кодекстің 608-бабының 1-бөлімі бойынша жаза тағайындады.
Әкім Асаин Байханов әлеуметтік желілерде әпкесінің әрекетіне қатысты пікір білдірді.
«Біздің мемлекетіміз заң мен тәртіпті басты қағидаларының бірі етіп таңдағанын ескерсек, барлық азаматтар заң алдында тең. Менің әпкем, отбасымыздың басқа мүшелері сияқты, ерекше емес», — деп жазды ол Threads платформасында.