Атырау қаласының маңындағы Томарлы ауылында қайғылы жағдай орын алды. Бір үйдің үш тұрғыны табиғи газдан уланып, оқиға орнында көз жұмды, деп хабарлайды Arasha.kz.
Төтенше жағдай 28 желтоқсан күні сағат 13:40 шамасында Томарлы ауылындағы жеке үйлердің бірінде болған. Алдын ала мәліметтер бойынша, қайғылы оқиғаға газбен жылытылатын пеште тарту күшінің болмауы себеп болған.
Үй ішінде үш адам болған:
1958 жылы туған ерлі-зайыптылар;
1953 жылы туған ер адам.
Үшеуі де жедел жәрдем жеткенше оқиға орнында жан тапсырған. Шақырту бойынша Төтенше жағдайлар департаментінің бөлімшелері жұмыс істеді. Қазіргі уақытта оқиғаның толық мән-жайы анықталып жатыр.
Төтенше жағдайлар департаменті ескертеді:
Газ пештерін пайдалану кезінде қауіпсіздік ережелерін қатаң сақтау қажет. Мұржаның тазалығын және ауа тарту күшін үнемі тексеріп тұру — сіз бен жақындарыңыздың өмірін сақтап қалудың бірден-бір жолы.