Атырау облысында із-түссіз жоғалып кеткен отбасының жақындары "Qazaq Airan" YouTube арнасына сұхбат берді, деп хабарлайды Arasha.kz.
Марқұм Мақсот Қарабалиннің туған қарындасы Әдемі Шылмағамбетова жоғалып кеткен Наурыздың оған алғаш жазғанын айтып берді.
"Қараша айының басында Наурыз інім WhatsApp-пен жазды. "Үйленейін деп едім, қызымның аяғы ауыр. Бейнеуде, оралман. Апам айқай шығарып жатыр. Үйлендірмеймін, алғызбаймын деп жатыр" деді. Сосын "құрсын, жасың келді ғой, неге үйлендірмейді?! Адамың болса болды емес пе?! Сөйлесеміз" деп айтып қойдық. Одан кейін хабарсыз кетті", – деді Әдемі Шылмағамбетова.