Қазақстан Президенті Қасым-Жомарт Тоқаев Иран президенті Масуд Пезешкианның көрші елдерге шабуыл жасамау туралы мәлімдемесін құптайтынын білдірді, деп хабарлайды Arasha.kz.
Бұл туралы Мемлекет басшысының кеңесшісі – баспасөз хатшысы Айбек Смадияров мәлімдеді.
Оның айтуынша, Қазақстан Президенті бұл шешімді Таяу Шығыстағы шиеленісті бәсеңдетуге бағытталған маңызды қадам деп санайды.
"Президент бұл шешімді аймақтағы жағдайды тұрақтандыруға ықпал ететін маңызды шара деп есептейді", – деп жазды Смадияров.