КХДР көшбасшысы Ким Чен Ын АҚШ-ты әлем бойынша агрессия жасап, мемлекеттік терроризмге жол беріп отыр деп айыптады, деп хабарлайды Arasha.kz.
Ол бұл мәлімдемені Жоғарғы халық жиналысының 15-ші шақырылымының бірінші сессиясында сөйлеген сөзінде айтты. Оның баяндамасының мәтінін Кореяның орталық телеграф агенттігі (ЦТАК) жариялаған.
Ким Чен Ынның айтуынша, Вашингтонның әрекеттері елдердің тәуелсіздікке ұмтылысын әлсіретпейді, керісінше антиамерикалық көңіл-күйді күшейтіп, гегемонияға қарсы күштердің бірігуіне ықпал етеді.
Сондай-ақ ол КХДР өз миссиясын жалғастырып, көпполярлы әлем қалыптастыруға үлес қоса беретінін атап өтті. Оның пікірінше, тәуелсіздік үшін күресіп жатқан елдер барлық қиындықтарды еңсеріп, одан әрі күшейе түседі.
Бұған дейін Ким Чен Ын Оңтүстік Кореяны КХДР үшін жау мемлекет ретінде қарастыратынын айтқан. Сонымен қатар ол елдің ядролық мәртебеден бас тартпайтынын және Сеул тарапынан кез келген қауіпке қатаң жауап беретінін мәлімдеген.