Беларусь президенті Александр Лукашенконың Пхеньянға жасаған ресми сапары кезінде КХДР көшбасшысы Ким Чен Ынға ерекше сыйлық табыстады, деп хабарлайды Arasha.kz.
Солтүстік Корея тарапы Лукашенкоға салтанатты қылыш пен қабыршақтармен безендірілген сәндік ыдыс тарту еткен. Ал Беларусь басшысы өз кезегінде Ким Чен Ынға Калашников автоматы негізінде жасалған қару сыйлаған.
"Қажет болып қалса, жауларға қарсы қолданарсыз", – деген әзіл аралас сөзбен Лукашенко сыйлығын табыстаған.
Кездесу барысында Лукашенко солтүстіккореялық көшбасшының қаруды жақсы меңгеретінін де атап өтті. Ал КХДР өкілдері сыйға тартылған заттардың мағынасын түсіндіріп, салтанатты қылыштың ерекшеліктерін көрсеткен.