Алматыда Қазақстанның еңбек сіңірген әртісі Гүлнәр Сиқымбаеваның жалғыз ұлы өлі күйінде табылды, деп хабарлайды Massaget.kz.
Қалалық полиция департаментінің мәліметінше, оқиға Бостандық ауданында тіркелген. Құқық қорғау органдарының өкілдері марқұмның денесінен зорлық-зомбылық белгілері анықталмағанын айтып, қазіргі уақытта істің мән-жайы тексеріліп жатқанын жеткізді.
Айта кетейік, бұған дейін бұл қайғылы хабарды журналист Жазира Бегалы әлеуметтік желіде жариялаған болатын.
Оның сөзінше, марқұм Баир 24 наурыз күні үйінен шығып, содан бері хабар-ошарсыз кеткен. Кейін оның өлі табылғаны белгілі болды.
Қазіргі уақытта оның неден көз жұмғаны әзірге белгісіз.
Марқұмның жақындары мен желі қолданушылары қайғыға ортақтасып, көңіл айтып жатыр.