Армян БАҚ-тарының хабарлауынша, Ресей президенті Владимир Путин Армения премьер-министріне шақырту жіберген, алайда ол бұл сапардан бас тартқан, деп хабарлайды Arasha.kz.
Сапардан бас тартуға елде басталған парламенттік сайлау науқаны себеп болған.
Армения премьер-министрінің баспасөз қызметі хабарлағандай, 8 және 9 мамыр күндері Никол Пашинян Сюник облысында болып, үгіт-насихат шараларына қатысады. Арменияда парламент сайлауы 7 маусымға белгіленген. Жергілікті БАҚ пен сарапшылардың бағалауынша, бұл науқан ел үшін соңғы жылдардағы ең маңызды оқиғалардың бірі болмақ.
Бұған дейін Армения премьер-министрі Мәскеудегі Жеңіс күніне арналған іс-шараларға қатысты пікір білдіріп, Армения басшыларының Ресей астанасындағы парадқа жыл сайын қатысу тәжірибесі болғаны есінде жоқтығын мәлімдеген еді.
Айта кетейік, өткен жылы Пашинян Ресейге жұмыс сапарымен барған болатын.