«Қазгидромет» РМК бүгін, дүйсенбі күніне арналған дауылды ескерту жариялады. Ауа райының қолайсыздығына байланысты аймақтар бойынша негізгі мәліметтер:
Жетісу облысы: Алакөл маңында желдің екпіні 15-20 м/с жетеді. Өңірдің басым бөлігінде жоғары, ал шығысында төтенше өрт қаупі сақталады (Талдықорғанда – жоғары).
Алматы облысы: Солтүстігінде жоғары өрт қаупі бар.
Ұлытау облысы: Өңірде өрт қаупі жоғары, ал шығыс, оңтүстік және орталық бөліктерінде төтенше өрт қаупі сақталады (Жезқазғанда – төтенше).
Қарағанды облысы: Шығысында түнде және таңертең тұман түседі. Облыс бойынша өрт қаупі жоғары (Қарағандыда – төтенше).
Түркістан облысы: Оңтүстігінде, таулы және тау бөктерінде қысқа мерзімді жаңбыр жауып, найзағай ойнайды. Жел 15-20 м/с-қа дейін күшейеді. Шымкентте күндіз жаңбыр жауып, найзағай жарқылдайды.
Қызылорда облысы: Күндіз орталығында шаңды дауыл көтеріледі, желдің жылдамдығы 15-20 м/с болады. Өңірде өрт қаупі жоғары және төтенше деңгейде (Қызылордада – төтенше).
Жамбыл облысы: Таулы аймақтарда жаңбыр жауып, найзағай ойнайды және тұман түседі. Жел 15-20 м/с-қа дейін күшейеді. Өрт қаупі жоғары.
Солтүстік Қазақстан облысы: Солтүстігі мен оңтүстігінде жаңбыр жауып, найзағай болады. Батысында тұман түседі. Жел 15-20 м/с-қа дейін жетеді. Петропавлда жел күшейеді.
Павлодар облысы: Түнде шығысында 1 градусқа дейін үсік жүреді. Шығысында төтенше өрт қаупі сақталады.
Абай облысы: Түнде шығысында 2 градусқа дейін үсік болады. Шығысында төтенше, оңтүстігінде жоғары өрт қаупі бар.
Шығыс Қазақстан облысы: Түнде жаңбыр мен қар жауып, тұман түседі. Солтүстік пен шығыста 2 градусқа дейін үсік болады.
Ақмола облысы: Батысында, солтүстігінде және шығысында жаңбыр жауып, найзағай ойнайды. Жел 15-20 м/с-қа дейін күшейеді. Көкшетауда жаңбыр күтіледі.
Маңғыстау облысы: Батысы мен оңтүстігінде жаңбыр жауып, найзағай ойнайды. Өрт қаупі жоғары және төтенше деңгейде. Ақтауда да жаңбыр жауады.
Астана: Күндіз қысқа мерзімді жаңбыр жауып, найзағай жарқылдайды.
Атырау облысы: Өңірде өрт қаупі жоғары және төтенше (Атырауда – төтенше).
Батыс Қазақстан облысы: Өңірде өрт қаупі жоғары (Оралда – жоғары).
Қостанай облысы: Күндіз шығысы мен оңтүстік-шығысында жаңбыр жауып, найзағай болады. Облыс бойынша өрт қаупі жоғары.