Иранның сыртқы істер министрі Аббас Аракчи әлеуметтік желіде АҚШ президенті Дональд Трамптың қоқан-лоққысынан кейін Иран армиясы толық жауынгерлік дайындыққа келтірілгенін жазды, деп хабарлайды Arasha.kz.
"Біздің аумағымызға жақын маңда жүрген шетелдік күштер өздерінің адами қателіктері, қарапайым кездейсоқ жағдайлар немесе айқас атысқа түсіп қалу ықтималдығы салдарынан үнемі қауіп-қатерге ұшырайды. Тәуекелді азайтудың ең дұрыс жолы – шетелдік күштердің мүмкіндігінше тезірек кетуі", – деді Аракчи.
Оның сөзінше, Ормуз бұғазы халықаралық суларға жатпайды және ол АҚШ жағалауынан мыңдаған миль қашықта орналасқан.