Екібастұз қаласында аса ауыр қылмыс тіркелді. Қоқыс контейнерлерінің бірінен бірнеше қапқа салынған әйелдің дене бөліктері табылды, деп хабарлайды Arasha.kz, Bairaq Media-ға сілтеме қалдырып.
Алдын ала мәліметке сәйкес, аталған дерек бойынша адам өлтіру фактісімен қылмыстық іс қозғалған. Күдікті анықталып, уақытша ұстау изоляторына қамалған.
Қазіргі уақытта құқық қорғау органдары қылмыстың мән-жайын, оқиғаның қалай болғанын және оған не себеп болғанын анықтап жатыр. Тергеу амалдары жалғасуда.
Құзырлы органдар әзірге марқұмның жеке басы мен қылмыстың өзге де мән-жайына қатысты қосымша ақпарат жариялаған жоқ.