Танымал әзілкеш Тұрсынбек Қабатовтың екінші жары Айман әлеуметтік желідегі парақшасында жұбайымен бірге түскен суреттерін жариялап, көпшіліктің назарын аударды , деп хабарлайды Arasha.kz, Sn.kz-ке сілтеме жасап.
Айман жарияланымында:
«Менің көзіммен қара шынайылық пен сұлулықты. Жақсы адамым», - деп жазған.
Бұл жазба желі қолданушылары арасында түрлі пікір тудырды. Бірі жұпқа жылы лебізін білдірсе, енді бірі олардың қарым-қатынасына қатысты пікір қалдырған.
Пікірлер арасында:
«Бәсе, түрін көрсетіп қойсайшы», «Екеуі бір-біріне ұқсайды екен», «Тұрсынбек жүнжіп кеткен бе?», «Мәз ғой екеуі», - деген пікірлер жазылған.
Айта кетейік, соңғы уақытта Тұрсынбек Қабатовтың жеке өмірі әлеуметтік желілерде жиі талқыланып келеді. Бұл жолы да жұбайының жазбасы оқырмандардың қызығушылығын оятып, қызу пікірталасқа себеп болды.