Қазақстаннан депортацияланған шетелдік блогер елден шығарылды, деп хабарлайды Arasha.kz.
Қазақстаннан шығарылуы туралы сот шешімі қабылданған шетелдік блогер ел аумағынан кетті. Астана қаласының Полиция департаменті оның елден шығарылғанын хабарлады. Полиция мәліметінше, шетел азаматы Г.К. әлеуметтік желілердегі жарияланымдары мен тікелей эфирлерінде арандатушылық және әдепсіз сипаттағы пікірлер айтқаны үшін әкімшілік жауапкершілікке тартылған. Сот шешімімен блогерге Қазақстан аумағына қайта кіруге 5 жыл мерзімге тыйым салынған. Полиция қызметкерлері оны әуежайға дейін шығарып салып, елден кетуін қамтамасыз еткен.
«Шетел азаматы Г.К. Қазақстан Республикасының аумағынан кетті», – деп хабарлады Астана қаласының Полиция департаменті.
Осылайша, шетелдік блогер сот шешіміне сәйкес Қазақстаннан шығарылып, оған белгіленген бес жылдық шектеу күшіне енді