Ресейлік стример Fasoollka Қазақстанға қатысты қорлайтын және арандатушылық сипаттағы мәлімдемелері үшін әкімшілік жауапкершілікке тартылды, деп хабарлайды Arasha.kz, Kazakhstan Aqparat-қа сілтеме жасап.
Полиция стримердің әлеуметтік желідегі тікелей эфирлерін мониторинг барысында анықтаған. Сот шешімімен оған айыппұл салынды.
Сонымен қатар ресейлік стримерді Қазақстаннан шығару туралы шешім қабылданып, оның елге қайта кіруіне 5 жылға тыйым салынды.
Бұған дейін Fasoollka «Павлодар - Ресейдің жері» деген мазмұнда мәлімдеме жасап, қазақтарға қатысты қорлайтын сөздер айтқан еді.