Голливуд актері Тиль Швайгер Қазақстанға «Доспехи Бога: Ультиматум» фильміне түсу үшін келді, деп Arasha.kz тілшісі Nur.kz-ке сілтеме жасап хабарлайды.
Қазір Алматыда Джеки Чан басты рөлдердің бірін сомдайтын «Доспехи Бога» фильмінің төртінші бөлімі түсіріліп жатыр. Жобаға енді танымал неміс актері Тиль Швайгер де қосылды.
Тиль Швайгер көрерменге «Достучаться до небес», Квентин Тарантиноның «Бесславные ублюдки» және Гай Ричидің «Министерство неджентльменских дел» фильмдері арқылы жақсы таныс. Актердің фильмографиясында 80-нен астам туынды бар.
Медиакомпания өкілдерінің айтуынша, Тиль Швайгер мен Джеки Чанды бір экраннан көру көрермен үшін қызықты болмақ.
Еске салайық, Джеки Чан 2025 жылдың қыркүйек айының соңында Алматыға келген еді. Кейін актердің қатысуымен «Доспехи Бога» фильмінің төртінші бөлімі Қазақстанда түсірілетіні белгілі болды.
Халықаралық «Доспехи Бога 4: Ультиматум» жобасының түсірілімі маусым айында Маңғыстау облысында басталған. Шілде айында түсірілім тобы Алматыға көшкен.