3 қазанда Қазақстанның басым бөлігінде ауа райы тұрақсыз болады. Бірқатар өңірде жаңбыр жауып, жел күшейеді. Елдің орталық аймақтарында кей жерде қатты жауын-шашын күтіледі, деп хабарлайды Arasha.kz.
"Қазгидромет" болжамына сәйкес, Қазақстан аумағына солтүстік циклонның келуіне байланысты алдағы күндері күн күрт салқындап, кей өңірлерде жаңбыр қарға ұласуы мүмкін.
Астанада жаңбыр жауады
Елордада 3 қазанда күн құбылмалы бұлтты болып, жаңбыр жауады.
Түнде ауа температурасы +9...+11°C, күндіз +19...+21°C болады. Желдің жылдамдығы 9-14 м/с шамасында.
Алматыда жауын-шашын күтілмейді
Алматыда күн құбылмалы бұлтты, бірақ жауын-шашынсыз болады.
Түнде +9...+11°C, күндіз +22...+24°C күтіледі. Желдің жылдамдығы 3-8 м/с.
Шымкентте найзағай болады
Шымкентте жаңбыр жауып, найзағай ойнауы мүмкін.
Түнде +12...+14°C, күндіз +27...+29°C болады. Желдің екпіні кей уақытта 15–20 м/с-қа дейін күшейеді.
Батыста күн салқындайды
Ақтауда жаңбыр жауып, жел күшейеді. Түнде +10...+12°C, күндіз +15...+17°C.
Ақтөбеде жауын-шашын күтілмейді. Ауа температурасы түнде +2...+4°C, күндіз +7...+9°C болады.
Атырауда жаңбыр жауады. Түнде +3...+5°C, күндіз +10...+12°C.
Оралда күн айтарлықтай салқын болады. Түнде 0...+2°C, күндіз небәрі +4...+6°C күтіледі. Желдің екпіні 15-20 м/с-қа дейін жетуі мүмкін.
Орталық өңірлерде жаңбыр мен қатты жел
Жезқазғанда түнде +3...+5°C, күндіз +20...+22°C болады. Жаңбыр жауып, желдің екпіні 20 м/с-қа дейін күшейеді.
Қарағандыда да жаңбыр күтіледі. Түнде +9...+11°C, күндіз +19...+21°C.
Солтүстікте күн салқын
Көкшетауда жаңбыр жауады. Түнде +7...+9°C, күндіз +16...+18°C.
Қостанайда түнде +3...+5°C, күндіз +8...+10°C болады.
Петропавлда жаңбыр жауып, жел күшейеді. Түнгі температура +6...+8°C, күндіз +14...+16°C шамасында.
Шығыста жауын-шашынсыз
Павлодарда күндіз +21...+23°C, түнде +5...+7°C болады. Жауын-шашын күтілмейді.
Семейде де күн ашықтау болады. Түнде +7...+9°C, күндіз +21...+23°C.
Өскеменде түнде +8...+10°C, күндіз +18...+20°C болжанып отыр.
Оңтүстік пен оңтүстік-шығыста жылы
Қонаевта жауын-шашынсыз. Түнде +9...+11°C, күндіз +24...+26°C.
Талдықорғанда түнде 0...+2°C болғанымен, күндіз ауа температурасы +23...+25°C-қа дейін көтеріледі.
Таразда күндіз +25...+27°C болады.
Ал Қызылорда мен Түркістанда жаңбыр жауып, найзағай ойнауы ықтимал. Күндіз ауа температурасы тиісінше +23...+25°C және +27...+29°C шамасында сақталады.