Ақтаудағы Tulpar School жеке лицейінде түсірілген видео әлеуметтік желіде тарады. Кадрда әйелдің еден жуып жүрген қызметкердің су толы шелегін теуіп жібергені көрінеді, деп хабарлайды Arasha.kz.
Тараған мәліметке қарағанда, видеодағы әйел мектеп директорының жұбайы болуы мүмкін. Алайда оның кім екені жөнінде ресми растау келтірілмеген.
Оқиғаға байланысты полицияға арыз түскені де айтылды. Әзірге құқық қорғау органдарының қандай шара қабылдағаны туралы ақпарат берілмеген.
Білім басқармасы жағдайдың мән-жайын анықтау үшін арнайы комиссия құрылғанын мәлімдеді. Комиссия мектепте болған оқиғаны зерделемек.