Жетісу облысында екі полицей қызметтік міндетін атқару барысында көз жұмды, деп хабарлады ішкі істер министрі Ержан Саденов.
«Жетісу облысының полиция департаментінің қызметкерлері – полиция майоры Арнұр Алханов пен полицияның аға лейтенанты Шыңғыс Әсілбековтің жол-көлік оқиғасы салдарынан қызмет бабында қаза болуына байланысты олардың туған-туыстары мен жақындарына көңіл айтамын», – деді Саденов жексенбі күні.
Министр марқұмдардың есімі әріптестерінің есінде мәңгі сақталатынын атап өтті.
«Ішкі істер министрлігі қаза тапқан қызметкерлердің отбасына қажетті көмекті көрсетеді», – деп қосты Саденов.