Ұлттық қауіпсіздік комитеті осы жылдың 10 маусымында Орал қаласында кәсіпкерлерден ақша бопсалады деген күдікпен топтың әрекетін кесті.
8 қазақстандық ұсталды, екеуі соттың санкциясымен қамауға алынды.
«Бұл тұлғалардың әрекеттері аймақтың коммерциялық іс-әрекетіне қатысушыларына теріс әсер еткен. Тінту барысында ірі көлемде ақша мен өзге де заттай дәлелдемелер тәркіленді», — делінген ҰҚК таратқан хабарламада.
Қылмыстық кодекстің 194-бабы бойынша сотқа дейінгі тергеу жүргізілуде.