facebook әлеуметтік желісінің орыс тілді бөлігінде көпшілік еңбек және халықты әлеуметтік қорғау министрі Мәдина Әбілқасымованың қызметінен кетуін талап етіп жатыр. Мәселен, Айсұлу Дүтбаева есімді қолданушы #ВотставкуРозовуюБарби! деген хэштегпен жазба жариялады.

Сондай хэштегпен жазба бөлісушілер немесе жазба қалдырушылар саны біршамаға жетті.

4-ақпанда Астанада үй өртеніп, бір отбасының бес баласы қайтыс болды. Ал өткен айда Мәдина Әбілқасымова “өмірі бойына есептесек, көп балалы аналар мемлекеттен бірнеше миллион теңге алады” деп айтып, бұл сөзі қоғамды қызу талқыға түсіп, министр сынға ұшыраған еді.