Қазақстан президенті Нұрсұлтан Назарбаев айқындаған мақсаттарға 2019 жылы Қазақстанның Ұлттық қорынан бөлек Т370 млрд бөлу жоспарланып отыр, деп хабарланған “2019-2021 жылдарға арналған республикалық бюджет туралы “Қазақстан Республикасының Заңына өзгерістер мен толықтырулар енгізу туралы” заң жобасында деп жазады zonakz.net.

“7-бап. 2019 жылға арналған республикалық бюджетте Қазақстан Республикасының Ұлттық қорынан берілетін Т2 700 000 000 мың сомасында кепілдендірілген трансферт мөлшері қарастырылсын”; 2) 7-1-баптары келесідей мазмұнда толықтырылсын: “7-1-бап. 2019 жылға арналған республикалық бюджетте Қазақстан Республикасының Президенті айқындаған мақсаттарға Қазақстан Республикасының Ұлттық қорынан Т370 000 000 мың сомасында мақсатты трансферт қарастырылсын”, — делінген ұсынылған заң жобасында.

Заң жобасы 26 наурызға дейін жариялы түрде талқылауға шығарылды.

Естеріңізге сала кетейік, “Нұр Отан” партиясының XVIII кезекті съезінде президент Нұрсұлтан Назарбаев Ұлттық қордан 2021 жылға дейінгі әлеуметтік және инфрақұрылымдық жобаларға Т1, 230 трлн. бөлуге бұйрық берген.

5 наурызда ҚазТАГ 2019 жылы Ұлттық қордан кепілдендірілген трансферт мөлшерін Т2, 45 трлн-нан Т2,7 трлн-ға дейін ұлғайтқысы келетінін хабарлады. Премьер-министр Асқар Маминнің айтуынша, бұл “Мемлекет басшысының “Нұр Отан” партиясының кезекті XVIII съезінде берген тапсырмаларын жүзеге асыру үшін ” қажет. 12 наурызда Ұлттық экономика министрі Руслан Дәленов Ұлттық қордан бөлек Т370 млрд тікелей инвестициялар қорын құру үшін бөлу жоспарланып отырғанын айтты.

Қазақстан қоғамындағы әлеуметтік жағдайды жақсарту мәселесі 4 ақпанға қараған түні Астана қаласында жеке тұрғын үй аумағында тұрған “времянкада” өрт шыққаннан кейін жиі көтерілуде. “Времянкадан” шыққан өрттің салдарынан 2006, 2008, 2013, 2015 және 2018 жылдары туған бес қыз балалар қайтыс болды. Құтқарушылар хабарлағандай, оқиға кезінде ата-аналар жұмыста болған. Осы оқиғадан кейін халық түнгі ауысымда жұмыс істеу қажеттілігі ата-аналарды балаларды қараусыз қалдыруға мәжбүр етпесе, қайғылы оқиғадан құтылуға болушы еді деп шағымдарын білдірді.

Халықтың наразылығынан кейін Қазақстанның бірқатар аймақтарында көп балалы аналардың митингілері мен өз талаптарымен жаппай сөз сөйлеуі болды.

Осы орайда Назарбаев бұрынғы премьер-министр Бақытжан Сағынтаевтың басшылығымен елдің бұрынғы үкіметін отставкаға жіберді. Жаңа үкіметті бұрынғы бірінші вице-премьер Мамин басқарды.