Facebook қолданушыларының жеке деректерін сатқаны бойынша тергеу АҚШ-та жүріп жатыр

113

АҚШ федералдық прокуратурасы Facebook компаниясы пайдаланушылардың жеке деректерін сатуы бойынша тергеу жүргізіп жатыр. Бұл туралы ҚазТаг агенттігі хабарлапты.

АҚШ-тың Федералды прокуратурасы Facebook компаниясының пайдаланушылардың жеке деректерін Amazon, Apple және Microsoft сияқты 150- ден аса компанияларға сатуын тергеп жатыр, деп хабарлайды NewYorkTimes.

“АҚШ федералды прокуратурасы Facebook кейбір ірі әлемдік технологиялық компаниялармен жасаған деректерді сату бойынша мәмілелерге қылмыстық тергеу жүргізуде”, — делінген хабарламада.

Сондай-ақ, Нью-Йорктегі үлкен қазылар алқасы сотта смартфондар мен басқа да гаджеттер шығаратын кем дегенде екі белгілі компанияның куәлік еткен жазбасын  көрсеткен. Онда Facebook-пен келісім жасасып, оның жүздеген миллион пайдаланушыларының жеке ақпаратына кең көлемде қол жеткізгені айтылған.

Басылымның ақпараты бойынша, Facebook-пен ұқсас келісімдер жасаған компаниялар 150-ден астам, оның ішінде Amazon, Apple, Microsoft және Sony бар. The New York Times-те бұрын хабарланған келісімдер компанияларға пайдаланушылардың достарын, байланыс ақпаратын және басқа да деректерді кейде олардың келісімінсіз көруге мүмкіндік береді.

“Нью-Йорктің Шығыс округіндегі АҚШ прокуратурасы прокурорларының қадағалауымен үлкен қазылар алқасының тергеуі басталғанда немесе ол не үшін тоғыстырылғаны түсініксіз. Facebook Федералдық сауда комиссиясы мен бағалы қағаздар мен биржалар жөніндегі комиссияның жіті назарында болды. АҚШ Әділет министрлігінің бағалы қағаздармен жасалған алаяқтыққа қарсы күрес бөлімі Cambridge Analytica саяси консалтингтік фирмасы Facebook — тің 87 миллион пайдаланушысы туралы деректерін қате алғаны және оларды Президент Трамптың сайлауалды науқанында көмектескен құралдарды жасау үшін пайдаланғандығы туралы хабарламадан кейін тергеу жұмыстарын бастады”, – делінген мақалада.

Кембриджде Калифорнияның Солтүстік округінен келген прокурорлар да тергеу жүргізуде. Кембридж Facebook-пен пайдаланушылардың жеке деректеріне қол жеткізе алатын қосымша-викторина құру туралы келісім жасаған болатын. Facebook компаниясы өздерін жаңылыстырғанын, деректер тек қана академиялық мақсатта жиналады деп жариялап, бірақ келісімге ұсақ шрифтпен коммерциялық мақсатта да қолданылуы мүмкін деп жазған. Facebook 2015 жылдың желтоқсанында викторинаны алып тастады. Содан кейін маусым және желтоқсан айларында Facebook смартфондар, планшеттер және басқа да құрылғылар өндірушілерін бизнес-серіктестер ретінде қосып, пайдаланушылардың жеке ақпаратына кең қол жеткізу туралы хабарламалар пайда болды. Бұл кейбір компанияларға пайдаланушылардың құпиялылық параметрлерін тиімді елемеуге мүмкіндік берді.

“Бұл мәмілелер Microsoft Bing іздеу жүйесіне барлық Facebook пайдаланушыларының достарын олардың еш келісімінсіз табуға мүмкіндік берді және Amazon пайдаланушылардың аттары мен байланыс телефондарын алуға жағдай жасады. Apple Facebook пайдаланушыларынан оның құрылғысының деректерді сұрайтын барлық индикаторларын жасыра алды”, — делінген хабарламада.

Facebook компаниясына көпмиллиардты айыппұл төлеуіне тура келеді деп жазылған басылымда.