Актриса Самал Есләмова Гонконгта Азия киноакадемиясының (Asian Film Awards Academy) «Азияның үздік актрисасы» сыйлығына ие болды. Мұны мәдениет және спорт министрі Арыстанбек Мұхамедиұлы facebook парақшасында жазды.

Министрдің орыс тілінде жазған жазбасында “режиссер Сергей Дворцевой қуанышты жаңалық жеткізді. Самал Есләмова Сергей Дворцевой “Айка” фильміндегі ролі үшін Азия киноакадемиясының “Азиядағы үздік актриса” сыйлығын алды” делінген.