Қырғыз халқы 2010 жылы Құрманбек Бакиевті тақтан тайдырғаннан кейін елді басқарған Роза Отынбаева барлық саяси күштерді келіссөзге шақырды. «Елдің халықаралық деңгейдегі беделін сақтап қалу үшін осы қадамға баруымыз керек. Қырғызстан абыройынан мүлде айырылмай тұрғанда маңызды шешімдер қабылдауымыз тиіс», – деді экс-президент. Роза Отынбаеваның айтуынша, саясаи дағдарыстан шығатын жол бар. «Қазір елде билікке талас жүріп жатыр. Ең бастысы Жоғарғы Кеңеске ұрылар мен тонаушылардың келуіне жол бермеуіміз керек», – дейді ол.