Қазақстандағы ең көп зейнетақы мөлшері белгілі болды. Елімізде айына 522 610 теңге зейнетақы алатындар бар.

2021 жылдың 1 ақпанына қарай БЖЗҚ 167 423 алушыға төлем жасады. Барлығы 73,8 млрд теңгеге 172 мыңнан астам зейнетақы төлемдері, біржолғы зейнетақы төлемдері және сақтандыру ұйымдарына аударымдар жүзеге асырылды.

Оның ішінде:

•  Біржолғы зейнетақы төлемдері – 49,6 миллиард теңге;
• сақтандыру ұйымдарына аударымдар – 9,1 миллиард теңге;
• зейнеткерлік жасқа толу бойынша төлемдер – 6,5 миллиард теңге;
• мұрагерлік бойынша төлемдер – 5,9 миллиард теңге;
• тұрақты тұруға кетуге байланысты – 2,1 миллиард теңге;
• жерлеуге төленетін төлемдер – 0,4 миллиард теңге;
• мүгедектік бойынша төлемдер – 0,2 миллиард теңге.

Айта кетейік, кесте бойынша зейнетақы жасына жетуіне байланысты ай сайынғы орташа төлем сомасы 25 886 теңгені құрады,  ал ең жоғарғы төлем – 522 610 теңге.