Америкалық прогрессивті саясат институты Қытайды әлемге қауіп төндіріп отыр деп айыптады. Институттың стратегиялық кеңесшісі Пол Бледсо егер Қытай улы газдардың ауаға бөлінуіне шектеу қоймаса, адамзатқа қауіп төнуі мүмкін екенін мәлімдеді.

Сарапшы АҚШ пен Еуропа елдері атмосфераға бөлінетін газдарды азайтуды міндет еткенін алға тартты. Сөзінше, мұндай бастама әлемдегі ауа қабатындағы зиянды қалдықтардың мөлшерін төмендетуі мүмкін. Десек те бұған Қытайдағы зиянды газдардың көптеп бөлінуі кедергі болуда.

Бледсо Rhodium Group-тың жақында жүргізген зерттеуіне тілге тиек ете отырып, 2019 жылы Қытайдың ауаға бөлген зиянды газдардың көлемі барлық дамыған елдердікімен салыстырғанда асып түскенін айтты.

Сарапшының пікірінше, егер бұл үрдіс жалғаса берсе, Париж келісімінің негізі мақсаты – 2050 жылға қарай көміртегіні бейтараптандыруға қол жеткізілмейді. Өз кезегінде бұл климаттық апатқа әкеп соқтыруы мүмкін.