Президент Қасым-Жомарт Тоқаев Тәуелсіздік мерекесінің қарсаңында бірқатар азаматтарды марапаттады. Марапат алғандардың арасында «ТәлімТВ» арнасының басшысы Мұхамеджан Тазабек та бар. Ол президент қолынан «Парасат» орденін алды.

Тазабек facebook парақшасында орден табысталған сәтте президент оған «ғибратты жұмыстарына ризашылық білдіргенін» жазды.

«Бүгін Ақорданың төрінде, мемлекет басшысы – Қасым – Жомарт Кемелұлының қабылдауында болып, ықыласын көзбе-көз сезініп, ерекше құрметіне бөлендік.
“Парасат” орденін өз қолымен кеудемізге тағып жатып: “Мұхамеджан, “ТәлімТВ» ны көріп тұрамын, ел үшін, ұрпақ үшін жасап жатқан ағартушылық, ғибратты жұмыстарыңа ризашылық білдіремін” деп, төбемді көкке жеткізді», – деп жазады М.Тазабек.

Мұхамеджан Тазабек қайшылыққа толы адам. Оның әртүрлі мәселеге қатысты айтқан пікірлері әр кезде қоғамда дау тудырған.