Ақтауға екі әскери ұшақ қонды. Бұл туралы lada.kz хабарлады.

Ұшақтың Ақтау халықаралық әуежайына қонғанын куәгерлер видеоға түсіріп, редакцияға жолдаған.

2 қаңтарда Жаңаөзенде газдың қымбаттауына қарсы митинг болды. Митингіге Ақтау қаласы тұрғындары да шықты. Жаңаөзендегі халық талабын қолдап Ақтөбеде, Шымкентте адамдар жиналды.

Үкімет газ бағасын 85-90 теңгеге арзандату туралы шешім қабылдап, Маңғыстау облысының әлеуметтік-экономикалық жағдайын қарауға үкімет комиссиясы құрылды. Комиссия облысқа 4 қаңтарда барады.