Шардара ауданы адами әлеуетті дамыту бөлімінің басшысы 1 500 000 теңге пара алды деген күдікке ілінді, деп жазды ҚазАқпарат.

Аталған ақпаратты Түркістан облыстық соты растады.

Күдіктіге мемлекеттiк функцияларды орындауға уәкiлеттiк берілген адам бола тұра, өзінің қызмет бабын жеке бас пайдасына пайдаланып 1 500 000 теңге пара алды деген айып тағылып отыр.

«Түркістан қаласының мамандандырылған тергеу сотының 2022 жылғы 14 қыркүйектегі қаулысымен күдіктіге үйқамақ түріндегі бұлтартпау шарасы 3 айға, 2022 жылғы 21 қазан сағат 15:08 минутқа дейін ұзартылған», – делінген Түркістан облыстық сотының баспасөз қызметі таратқан ақпаратта.