Облысы әкімдігінің алдына темір қоршаулар қойылып, полиция көбейді.

Ақтөбе қаласы Әбілқайыр хан даңғылындағы әкімдік ғимаратының айналасы толық полиция бақылауында тұр. Тәртіп сақшылар темір қоршауларды орнатып, әкімдіктің автотұрағына да көліктерді жіберіп жатқан жоқ.

Өңірде 517 сайлау учаскесі жұмыс істеп тұр. Оның ішінде 15 учаске мамандандырылған ұйымдарда: медициналық мекемелер, әскери бөлім, тергеу изоляторында орналастырылған.

Қазіргі уақытта облыс әкімі Ералы Тоғжанов пен қала әкімі Асхат Шахаров өз участоктерінде дауыс берді.

Облыс бойынша сайлаушылар тізіміне барлығы 560 819 адам енгізілген.