![Сандуғаш Дүйсенова ісі бойынша Тоқаевқа ашық хат](https://arasha.kz/wp-content/uploads/2023/08/120082594_2755374994699160_5813014469764447767_n-1024x697.jpg)
«Әділ сөз» сөз бостандығын қорғау халықаралық қоры журналист Сандуғаш Дүйсеноваға қатысты жағдайға байланысты Қазақстан Республикасының Президенті Қасым-Жомарт Тоқаевқа ашық хат жолдады.
100-ден астам белсенді, журналист, қоғам қайраткерлері қол қойған ашық хат жолдаушылар Президент Қасым-Жомарт Тоқаевтан Бас прокуратураға, Жоғарғы сотқа және Ішкі істер министрлігіне қатысты үш түрлі талап қойып отыр.
1. Бас прокуратура – қылмыстық іс қозғаудың заңдылығын тексеру және негіз болмаған жағдайда сотқа дейінгі тергеп-тексеруді дереу тоқтатуды талап ету. Журналистті жеке тінтудің қандай негізі барын, сондай-ақ ОСК қосылған камераның астында толық экспозициямен жеке тінту жүргізу тәртібін тексеру. Бұзушылықтар анықталған жағдайда кінәлі лауазымды тұлғаларға қатысты қажетті процессуалдық шешім қабылдансын.
2. Жоғарғы сот – тергеу судьясының журналистке жеке тінту жүргізу туралы шешімінің заңдылығын тексеру. Заңсыздығы анықталған жағдайда күшін жойып, тергеу судьясына тәртіптік шара қолдану.
3. Ішкі істер министрлігі – журналистке қатысты қылмыстық іс қозғауға және жеке тінтуге қатысқан лауазымды тұлғаларға қатысты қызметтік тергеу тағайындасын. Заңды бұзған жағдайда кінәлілерді қатаң тәртіптік жауапкершілікке тарту, ал егер қызметтік құқық бұзушылық белгілері байқалса, сотқа дейінгі тергеп-тексеруді бастасын.
Естеріңізге сала кетейік, 11 тамыз күні жетісулық журналист Сандуғаш Дүйсенованы полицейлер тырдай жалаңаш шешіндіріп, тінту жүргізіп, оны видеоға түсіріп алғандығы туралы хабарлаған болатынбыз.
Arasha.kz
ФОТО: әлеуметтік желіден
-
07.09.2024
-
07.09.2024
-
06.09.2024
-
06.09.2024
-
06.09.2024
-
06.09.2024
-
06.09.2024
-
06.09.2024
-
06.09.2024