Атырау облысындағы Қызылқоға ауданы Мұқыр ауылын жаңбыр мен еріген қар суы басып қалған.

Әкімдік су үйлердің ауласына ғана тарағанын айтып, қауіпті ештеңе жоқ, жағдай бақылауда деп отыр.

Су үйлерді түгелдей алып кетпегенімен тұрғындар мұндай жағдай жылда қайталанады деп шағымданып отыр.

«Көшеде жүру мүмкін емес. Айналаның барлығы лай, балшық, көлікпен де жүре алмайсың. Су арық болып ағып жатыр»,  дейді ауыл тұрғындары.

Лай судың көлшіктерін арнайы техникамен сорып, тасуда.