Нұрсұлтан Назарбаевтың бұрынғы «резиденциясы» мен әкім болған Даниал Ахметовтың үйі аукционға қойылды.

«Екі қабатты ғимараттың жалпы ауданы 3179,9 ш.м; бастапқы бағасы – 115 893 000 теңге», – делінген электронды аукционның сайтында.

Ғимарат Өскемен қаласында Үлбі өзенінің бойында орналасқан. Әкімдік бұл ғимаратты Сол жағалау демалыс орны деп атайды. Hola News бір кездері экс-президент Нұрсұлтан Назарбаевтың демалып, кейін Шығыс Қазақстан облысының бұрынғы әкімі Даниал Ахметовтің сонда тұрғанына назар аударады.

Олар бұрынғы «резиденцияны» мейрамханасы, бассейні, спорт алаңдары, конференц-залдары, қонақ үйі мен сауда павильондары бар туристік орталыққа айналдырғысы келеді.

Мұның барлығы үш жыл ішінде кемінде 800 миллион теңгені қажет етеді, оның ішінде: 50 пайызы – 400 миллион теңге – бірінші жылы және 25 пайызы – әрбір келесі жылы 200 миллион теңге.