Балқаштағы магистральдық желілерде жөндеу жұмыстары кезінде жұмысшылар үш адамның сүйегін тапты. Қазір тергеу жүргізілуде.

Еkaraganda.kz мәліметінше, адамдардың сүйегі Әлімжанова мен Калмыков көшелерінің қиылысында табылған. Жұмысшылардың айтуынша, мүрделер құбырларға салынған.

Жұмысшылар полиция шақырған. Оқиға орнына жедел топ жетіп, адам сүйегінің табылғаны растады.

Сарапшылардың айтуынша, қалдықтар бірнеше жыл бойы жер астында жатқан. Сүйектер сот-медициналық сараптамаға жіберілді.

«Оқиға орнын тексеру барысында адам сүйектері табылды. Ешқандай ет жоқ. Тек сүйектер табылды. Сол күні әрі қарай жүргізілген қазба жұмыстары кезінде сол жерден тағы екі адамның сүйегі табылды. Оқиға орнына сот-медициналық сарапшыны шақырдық. Қазіргі уақытта адам сүйегінің табылуына қатысты қылмыстық іс қозғалды. Сот-медициналық сараптама тағайындалды», — деді Балқаш қалалық ІІБ басшысы Айткен Кадрин.