Бүгін Ақтөбе қаласындағы жеке үйде өрт шығып, бір адам қайтыс болды. 82 жастағы үй иесінің денесі үйінді арасынан табылды.
Оқиға Заречный-4 елді мекенінде тіркелді. Өрт кезінде үйдің шатыры мен қабырғалары құлаған. Ағаштан салынған үй толық жанып кетті.
«Үйінділердің астынан 1939 жылы туған үй иесінің денесі табылып, марқұмның туысына психологиялық көмек көрсетілді.Қазіргі уақытта болған жағдайды анықтау үшін Өртке қарсы зертхана тағайындалды»,- деп хабарлайды облыстық ТЖД баспасөз қызметі.
