Атырау облысында сұйытылған газ бағасын кәсіпкерлер өзара келісіп көтерген болуы мүмкін. Қазір 22 бизнес нысанына қатысты тергеу жұмыстары басталды, деп хабарлады «Хабар 24».
Егер кәсіпкерлердің кінәсі дәлелденсе, олар әкімшілік жауапқа тартылып, айыппұл салынуы мүмкін.
«Бәсекелістікті қорғау аясында заң бұзушылықтарының орын алғаны анықталса, Әкімшілік құқық бұзушылық кодексі бойынша кәсіпкерлер айыппұл түріндегі әкімшілік жауапқа тартылады. Айыппұл мөлшері орта бизнес табысының 3% , ірі бизнес табысының 5% тең болады», – деді Бәсекелестікті қорғау және дамыту агенттігінің облыстық департамент басшысы Айгүл Набиева.
